Rama në Belsh: Liqeni ishte një grumbull plehrash, sot është kthyer destinacion turistik

Kryeministri Edi Rama ka vijuar ditën e sotme takimet në kuadër të fushatës elektorale në Belsh, për të prezantuar kandidatin për kryebashkiak Arif Tafanin.

Gjatë fjalës së tij, Rama tha se Belshi është kthyer nga një vend që ishte si grumbull plehrash në një destinacion turistik, ku pret 150 mijë turistë brenda vitit.

“Arifi është shumë modest, modestia. Unë vërtetë e kam pasur bindje, fiksim që ky vend duhej kthyer në destinacion turistik. E kam pasur këtë bindje që kur kam ardhur për herë të parë. Kur ky liqen ishte si pellg i rrethuar nga plehra, ferra. Ku bëmë aktivitetin e parë në aksin kryesor atje. Medemek bulevardi që ishte gjithë gropa.

Kur erdhi Arifi që më mori, dukej dikur po më merrte të më çonte me ndonjë vakti, tha se rruga është shumë e vështirë. Që në atë moment e kam parë të ardhmen e Belshit tek ky liqen si qendra e gravitetit të një zhvillimi shumë më të madh. Vetëm sa kemi filluar ta vëmë në punë. Nëse sot ne jemi në një situatë ku brenda një viti këtu vijnë 150 mijë vizitorë dhe turistë, atëherë kjo që s’bëhej fjalë për turistë e vizitorë, por edhe kush jetonte këtu e kishte mendjen të ikte”, tha Rama.