Rama reagon për policët e lënduar, akuzon opozitën

Kryeministri Edi Rama, në reagimin e dytë për protestën e opozitës, ka falenderuar Policinë dhe ka uruar shërim të shpejtë për efektivët që mbetën të lënduar por pa përmendur situatën me dhunën e Forcave të Rendit ndaj protestuesve, apo për gazin lotësjellës që i ka shkaktuar dëm shëndetësor edhe gazetarëve që raportojnë live nga vendngjarja.

”Respekt për trupat e Policisë së Shtetit që me profesionalizmin e tyre nderuan uniformën e shtetit përballë një turme të udhëhequr nga dëshpërimi i politikës qorre. Shërim të shpejtë për policët e plagosur dhe ndëshkim për dhunuesit e tyre e për zjarrvënësit e institucioneve”,-shkruan Rama në Twitter.

Më herët Rama u shpreh se nuk e fsheh trishtimin për atë që po ndodh, ndërsa ka dha një mesazh për ata që mbështesin opozitën.

”Çfarë trishtimi një lider opozite që me zë të ikur i thotë qeverisë “Aman ik!”,ndërkohë që ata rrotull tij hedhin zjarr mbi godinën e saj! Uroj që kujt vete ende pas kësaj politike qorre, t’i jetë hapur sonte syri nga zjarri që qeverisë s’ka ç’i bën,po Shqipërisë i bën veç dëm”.

Respekt për trupat e Policisë së Shtetit që me profesionalizmin e tyre nderuan uniformën e shtetit përballë një turme të udhëhequr nga dëshpërimi i politikës qorre🙏Shërim të shpejtë për policët e plagosur dhe ndëshkim për dhunuesit e tyre e për zjarrvënësit e institucioneve👊 pic.twitter.com/dwkPSvyTk7

— Edi Rama (@ediramaal) May 11, 2019