RAMA:REZULTAT REAL I POLITIKAVE TONA MBËSHTETËSE PËR MADE IN ALBANIA

Nga Edi Rama

(Facebok)

Sot në një fabrike prodhimesh Made in Albania që një vit më parë e nisi punën me 60 punëtorë dhe falë politikave të reja mbështetëse të qeverise për prodhimin vendas, në vetëm 360 ditë është shndërruar në një strukture të fuqishme prodhuese me mbi 600 të punësuar e me cikël të mbyllur të prodhimit. Një histori suksesi në investim, në punësim dhe në marrëdhënien shumë korrekte me shtetin, me taksat me detyrimet ndaj punonjësve. Përfitimi nga heqja e taksës së importit mbi makineritë është i prekshëm, ndërkohë që 100 prej të punësuarve janë rezultat i programit qeveritar të nxitjes së punësimit. Prodhimet “Made in Albania” të kësaj fabrike shkojnë sot në tregjet e Kanadasë, Gjermanisë, Amerikës dhe kanë perspektivën e qartë të daljes edhe në tregje të tjera. Me buxhetin e ri, i gjithë ky rrjet në zhvillim fabrikash do të mbështetet financiarisht përmes pagesës nga ana e shtetit të faturës së skanimit në dogana! Aleanca për Shqipërinë Europiane do të vazhdojë të mbështesë me të gjitha forcat këtë industri në rritje.