Rrjetet sociale: Vjedh energjinë elektrike merr 4 vjet burg, vidhen 28 milionë euro dhe dënohet 1.6 vjet burg!

SPAK ka dhënë pretencën për dosjen e tenderit të uniformave të policisë dhe ka kërkuar nga 1 vit e 6 muaj burg për të arrestuarit, të cilët akuzohen për abuzim me tenderin me vlerë 28 milionë euro.

Sigurisht që ky vendim ka nxitur reagime në rrjete sociale, ku bëhet krahasimi me dënimet që drejtësia shqiptare jep për vepra të tjera penale. Faqja ”Brryli.Broadway”, ironizon dhe shkruan se për qytetarët që vjedhin energjinë elektrike, gjykata i dënon me nga 4 vite burg, kurse për këtë vjedhje 28 milion euroshe jepet dënimi me 1.6 vite burg.

”Vjedh energjinë elektrike merr 4 vjet burg, vidhen 28 milionë euro dhe dënohet 1.6 vjet burg”. Ky postim po bën xhiron e rrjete sociale, ku tregohet se çfarë po sjell ”drejtësia e re”.