Sali Berisha: Ky është biznesmeni që po ndot Lezhën

Ish-kryeministri Sali Berisha ka denoncuar sot ndotjen e qytetit të Lezhës nga një fabrikë që përpunon mbetjet e kafshëve. Duke cituar “Qytetarin Dixhital”, Berisha shkruan se fabrika ndodhet në qytetin e Lezhës dhe prodhon sallam nga zorrët e bagëtive që vijnë nga Serbia, Kroacia dhe Mali i Zi.

Qytetari i ankohet ish-kryeministrit për ndotjen dhe derdhjen e mbetjeve që mund të jenë të rrezikshme në mes të qytetit. Gjithashtu, qytetari paraqet dhe listën e gjatë me ankesa që banorët e lagjes kanë bërë në institucione dhe në media. Por deri më sot nuk ka asnjë ndërhyrje për të normalizuar situatën. Qytetari pretendon se fabrika i përket një biznesmeni të njohur, i cili më parë ka mbajtur postin e zëvendësministrit të Bujqësisë.  Por vet, Berisha kërkon  ndërhyrjen e institucioneve përkatëse.

Postimi ish-kryeministri Sali Berisha në Facebook:

“Qytetari dixhital denoncon: Fabrikën e përpunimit të zorrëve në Lezhë që kundërmon erë të padurueshme! Sb. “Përshëndetje Z.Berisha, uroj të jeni mirë me shëndet. Jam një banor i Lezhës dhe doja të ndaja me ju një shqetësim tepër serioz. Në Lagjen Ish-Ushqimorja (ILIRIA) ndodhet një fabrikë përpunimi zorrësh, të cilat përdoren për sallam, mbetjet e zorrëve që vijnë nga Kroacia, Mali i Zi, Serbia, etj, bashkë me lëngun e tyre të qelbur hidhen në kanal natën vonë ose dhe gjatë ditës, dhe era e tyre përhapet në gjithë lagjen, aq shumë sa s’mund të mbajmë dritaret hapur, sepse do marrim ndonjë sëmundje a kancer. Po na helmojnë fëmijët sidomos, gjithashtu dhe të rriturit. Kemi bërë ankesa kudo në institucionet përkatëse, kemi lajmëruar dhe mediat, por askush nuk do t’ja dijë, pasi pronari i kësaj fabrike thuhet së është ish-zv/ministri Alban Zusi. Do ju lutesha shumë t’a publikonit, sepse s’po mund të rrijmë dot dhe para 2-3 ditësh, disa fëmijë të vegjël të kësaj lagje janë shtruar në Spitalin Rajonal të Lezhës për këtë problem që po na merr jeten. Respekte doktor”