Shefja e diplomacisë së BE-së, Kaja Kallas, mbërriti sot në Tiranë, në kuadër të vizitës disaditore në Ballkanin Perëndimor.
Gjatë konferencës së përbashkët për mediat me kryeministrin Edi Rama, Kallas u shpreh se BE mbështet rrugën e Shqipërisë drejt BE.
“Ajo që dëshiroj të them, është që nuk ka ndonjë qark të shkurtër për të arritur me anëtarësimin në BE me reformat. Ju keni mbështetjen tonë të plotë sa i përket çeljes së grup-kapitujve të tjerë. E ardhmja e Shqipërisë është në BE. Unë me kënaqësi kam parë dhe nënshkrimin 90 milionë euro me Bankën Europiane për rindërtimin e hekurudhës që do të lidhë portin e Durrësit me Rrogozhinën, pjesë e korridorit të tetë”, tha Kallas.
Ndër të tjera, Kallas theksoi se BE-ja kërkon një sundim të ligjit të fortë dhe një sistem gjyqësor të pavarur, ku qytetarët të shohin që lufta kundër korrupsionit po merret seriozisht dhe po jep rezultate.