Sherr live mes Berishës dhe gazetarit kosovar në “OPEN”

Një debat i ashpër është zhvilluar në emisionin “Debat Plus” mes ish-kryeminsitrit Sali Berisha dhe gazetarit nga Kosova Imer Mushkolaj.

Teksa Berisha po fliste për dhunën që u ushtrua ndaj protestuesve në 8 Janar, gazetari Mushkolaj ka ndërhyrë dhe ka akuzuar Berishën se ëhstë përgjegjës për vrasjen e 4 protestuesve në 21 Janar 2011, në protetsën e zhvilluar në Tiranë.

E menjëhershme kaq enë edhe përgjigja e Berishës, i cili i ka thënë gazetarit “i pafytyrë” dhe i frymëzuar nga Serbia.

Pjesë nga debati:

Berisha: Nga ana e protestës paqësore, u plagosën 12 persona dhe kjo është tabloja më e qartë e dhunës

Mushkolaj: Zoti Berisha, kur ju përmendni dhunën, mua më tingëllon shumë ironike, sidomos kur përmendni janarin, për shkak se ju në 21 janar kur ishit ju kryeministër, janë vrarë 4 protestues në Janar. Të sugjeroj që fjalën “dhunë” mos ta përdorni, sepse keni përgjegjësinë për vrasjen e 4 protestuesve në bulevardin e Tiranës. Jeni personi i fundit që duhet të flisni për dhunë.

Berisha: Ti shkon shpesh në Novi Sad, se ti je një gënjeshtar i pafytyrë.

Mushkolaj: Unë shkoj në Novi Sad por nuk e furnizoj makinerinë e Millosheviçit si ti. Vrasjet në bulevard i keni bërë ju.

Berisha: Ti je i pafytyrë, ty të frymëzon Novi Sadi. Ata protestues në datën 8 Janar po shkonin në shtëpinë e tyre të mbushur me banditë.

Mushkolaj: I kemi dëgjuar këto përralla, mos na i përsërit

Berisha: Përsa i përket 21 janarit, duhet të jesh i verbër dhe i pafytyrë që thua ishte protestë paqësore, nuk ka njeri në botë që e ka quajtur protyestë paqësore 21 janarin.

Mushkolaj: Ju keni përgjegjësi për vrasjen e protestuesve. Ke vrarë njerëz në bulevard. Kjo është njolla juaj e zezë pas Piramidave dhe pas Gërdecit.

Berisha: Ti ke sjellë një provokator nga Novi Sadi aty i cili gënjen në mënyrë të pafytyrshme. Cila ishte paqësore kush e ka thënë paqësore protestën e 21 janarit përveç atij mashtruesi ordiner, përveç Beogradit.

Mushkolaj: Beogradin të cilin e keni furnizuar me naftë, ke bahskëpunuar kur ishe President.