Skandali i pagave, drejtuesja e prokurorisë së Tiranës: Autori do gjendet

Drejtuesja e prokurorisë së Tiranës, Elisabeta Imeraj në një konferencë për shtyp, ndër të tjera ka deklaruar se po vijojnë hetimet në lidhje me publikimin e të dhënave personale, si pagat, numrat e telefonit dhe targat e makinave. Imeraj tha se grupi hetimor është i përkushtuar dhe do të ketë autorë që do të shkojnë para drejtësisë.

“Ne jemi këtu sot për të bërë me dije veprime tona hetimore përgjatë disa muajve. Falenderoj Policinë e Shtetit. Duke qenë se është sensitive për shkak të vëmendjes së shtuar. Prokuroria po kryen çdo veprim të nevojshëm hetimore. Veprimet do jenë intensive. Grupi hetimor është i përkushtuar. Normalisht do kemi autorë. Grupi hetimor që heton atë çështje po kryen veprimet e duhura. Do kemi një konferencë tjetër për zbulimin e autorëve. Do keni një përgjigje sepse përgjigja e prokurorëve nuk është me konferenca për shtyp por me vendimmarrje”.

Drejtori i Departamentit të Policisë Kriminale, Tonin Vocaj u shpreh se nuk mund të japin më shumë detaje për shkak të sekretit hetimor.