Skandali i publikimit të pagave të shqiptarëve, jehonë në mediat europiane

Skandali i publikimit të pagave të shqiptarëve ka tronditur jo vetëm opinionin publik në vend, por ka bërë jehonë edhe në mediat në Ballkan dhe Evropë. Të shumta janë mediat që i kanë kushtuar artikuj këtij skandali, duke e cilësuar si “tronditje të madhe”.

“Euroactiv” shkruan në artikullin e saj se kjo është hera e dytë që rrjedhin të dhëna personale të qytetarëve në Shqipëri, pas sistemit të patronazhistëve, pak para zgjedhjeve vendore të 25 prillit.

“Newseurope.fr” po ashtu i ka kushtuar një shkrim publikimit të të dhënave. Skandali është komentuar edhe në vendin fqinj, Maqedoninë e Veriut. Është agjencia e lajmeve Mia, e cila hapet me titullin: “:

“Skandali trondit Shqipërinë!”. Lajmi ka gjetur vend edhe në Serbi. Këtë herë është media “Kurir” e cila shkruan: “Skandal i rëndë në Shqipëri. Publikohen të dhënat personale dhe shumat e pagave të mbi 63 mijë qytetarëve”.