Skandali me pagat; 4 të arrestuar, 2 specialistë të IT te Tatimet dhe 2 bashkëpunëtorët e tyre

Policia e Tiranës ka arrestuar katër persona për skandalin e publikimit të të dhënave të pagave të shqiptarëve, raporton News 24.

Nga hetimet Prokuroria e Tiranës ka lëshuar disa urdhër arreste, por aktualisht janë vënë në pranga vetëm 4 persona, të cilët akuzohen se kanë publikuar të dhënat personale të mbi 900 mijë qytetarëve.

Nga të arrestuarit dy prej tyre janë specialistë të IT te Drejtoria e Tatimeve dhe 2 janë bashkëpunëtorë të tyre. Të arrestuarit kanë patur akses në sistemin e dhënave dhe kanë shkarkuar të listën dhe më pas e kanë shpërndarë.

Ndërkohë prokuroria ka dyshime të forta se të njëjtët zyrtarë kanë shpërndarë në mënyrë të pautorizuar listapagesat e qytetarëve, më herët nxorën edhe databazen me të dhënat e qytetarëve të kryeqytetit, e njohur si dosja e patronazhistëve, ku krahas emrit mbiemrit dhe numrit të ID-së secili patronazhist shënonte preferencën politike të votuesit.