Sot mbahet Konventa Kombëtare e LSI

Ditën e sotme në orën 19:00 do të mbahet Konventa Kombëtare e LSI.

Ndërkohë duke nisur prej sot Ilir Meta nuk është më president i republikës së Shqipërisë, pasi ditën e djeshme në këtë post u betua Bajram Begaj.

Meta prej kohësh e kishte treguar se kërkonte të rikthehej në politikën aktive të vendit duke shprehur haptazi se nuk ishte dakord me politikat e ndjekura nga mazhoranca.

Gjatë fundit të mandatit të tij në krye të shtetit, Meta është përplasur vazhdimisht me mazhorancën që edhe ndërmori votimin në Kuvend për ta shkarkuar nga posti i presidentit, edhe pse Gjykata Kushtetuese vendosi kundër vendimit të marrë.

Në komentet e tij në rrjetet sociale dhe në fotot e postuara në facebook, Meta e ka cilësuar si një “Agim të ri” rikthimin e tij në politikën aktive të vendit.