Strategjia e PD kundër krimit, Alibeaj: Ndërgjegjësim ndërkombëtarëve

Platforma e  Partisë Demokratike kundër krimit të organizuar, shtrihet në dy plane kryesore, ndërhyrje në legjislacion dhe  betejë denoncimesh  politke.  Deputeti Enkelejd Alibeaj tha se momenti i parë i ndryshimeve ligjore për të shkëputur lidhjen e krimit me politikën,  është reforma zgjedhore ndërsa tha se do rikthehet vëmendja tek dekriminalizimi.  Ndërkohë demokratët  do të denoncojnë  krimin jo vetëm në parlament por do të ndërgjegjësojnë për këtë problem edhe partnerët ndërkombëtarë. 

Deputeti i Partisë Demokratike Enkelejd Alibeaj, në një interviste për Ora News zbardhi strategjinë kundër kriminalitetit. Platforma e opozitës parashikon një betejë politike dhe ligjore kundër këtij fenomeni, e cila do të fokusohet në denoncimet publike, ndërgjegjësimin e qytetarëve dhe ndërkombëtarëve, por dhe  parashikimi i instrumentave ligjorë në  reformën zgjedhore dhe duke rikthyer vëmendjen tek dekriminalzimi.

Alibeaj: Përvecse ndërgjegjësimit publik brenda vendit dhe ndërgjegjësimit të partnerëve ndërkombëtarë do të duhet të ndërmarrë iniciativa konkrete për të mos e bërë të mundur në proceset zgjedhore të pritshme të ndodhi i njëjti mekanizëm siç ndodhi në 25 qershor. Reforma zgjedhore, ky është momenti i parë, jo i vetmi që është mjet për të cilin çdo kusht do të duhet të targetojë të gjitha energjitë e veta politike dhe juridike për të bërë të mundur të kësaj prerje gordiane. Ende nuk e kemi mbaruar procesin e dekriminalizimit. Që do të thotë ligji për dekriminalizimin do të duhet të vazhdojë me persistencë deri në fund dhe ky është momenti  i dytë i strategjisë.

Krimi ka lidhje të ngushte me këtë mazhorancë thotë Alibeaj, kjo pas një pakti të ri mes tyre në zgjedhjet e 25 qershorit.  Situatën ai e vlerëson  emergjente.

Alibeaj: Tashmë janë duke kërkuar haraxhin dhe janë në gojë të qeverisë dhe kanë futur në kthetra qeverinë dhe qeveria nuk bën asgjë për t’iu kundërvënë me vullnet politik kësaj gjëje, por që është në simbiozë me krimin.

Sipas deputetit demokrat i cili drejon dhe departamentin e sigurisë, sot kjo mazhorancë është e pa fuqishme përball krimit, dhe për këtë ai  argumenton:

Alibeaj: E futur në kanale politike në diskutime, në cic mice të vogla politike, në ka një emergjencë kombëtare shqiptare sot është fakti që shoqëria shqiptare, shteti shqiptar është i gllabëruar nga krimi. Kjo Shqipëri, kjo shoqëri mund të shohë ditë të bardha duke bërë një gjë të thjeshtë, duke prerë nyjen gordiane mes krimit dhe politikës.

Alibeaj  kërkon ndërgjegjësimin e gjithë faktorëve në luftën kundër krimit të organizuar, duke theksuar se ky problem tejkalon problemet e vogla  politike  pasi  në  lojë është e  ardhmja e vendit.