Telefonata Rama-Tsipras, “Kathimerini”: Folën për krizën bilaterale

Biseda telefonike mes kreut të qeverisë, Edi Rama me homologun grek, Alexis Tsipras, sipas mediave greke është bërë me fokus tek reformat e nevojshme për të filluar procesin e pranimit të Shqipërisë në BE.

“Kathimerini”, duke iu referuar burimeve diplomatike, saktëson se Tsipras dhe Rama u fokusuan më shumë në ligjin për pronën në brigjet e Jonit dhe te Akti për Minoritetet.

Sipas kësaj gazete, telefonata erdhi pas krizës bilaterale për shkak të publikimit në fletoren zyrtare të ligjit për pronat, me të cilin Athina pretendon se është sekuestruar prona e minoritarëve grekë në Himarë.

Kryeministrat gjithashtu diskutuan edhe për marrëdhëniet ekonomike bilaterale dhe zhvillimet në rajon.