Terror në Stamboll. 38 të vrarë dhe 170 të plagosur nga shpërthimi terrorist

Terror në Stamboll. Janë të paktën 38 viktimat e dy atentateve të mbrëmjes pranë stadiumit ”Vodafone Arena” në Stamboll. Ministri i Punëve të Brendshme të Turqisë Suleyman Soylu ka deklaruar se “dyshohet se ka qenë një autobombë në vendin ku po dilte autobusi i forcave policore”.

Shpërthimet, një shpërthim i madh që u pasua nga një i vogël, ka ndodhur rreth orës 11:00 të darkës me orën lokale (3 pm) pas një loje shumë të ndjekur futbolli në “Beshiktash Vodefone Arena”.

Sipas Soylu, ishte një telekomandë që shpërtheu një makinë bombë për shpërthimin. Menjëhërë pas kësaj, një sulmues vetëvrasës shkaktoi një shpërthim të dytë në Macka Park. Dy vendet e ngjarjes janë më pak se një milje larg

Mediat turke, kanë bërë me dije, se mes numrit të madh të plagosurve, më shumë janë policë. Raportimet e para, kanë theksuar se kemi të bëjmë me një sulm autobombë.

Ndërsa, është thënë se në fokus të sulmit, ka qenë një autobus me policë, të cilët ishin në shërbim për ndeshjen mes Beshiktashit dhe Burasporit.