Thaçi me Ramën flasin për kufijtë: Do marrim Luginën e Preshevës

Presidenti I Kosovës, Hashim Thaçi ka përmendur sërish sot në Tiranë tezën e korrigjimit e kufijve me Serbinë, duke folur për kalimin e Luginës së Preshevës në hapësirën shtetërore të Kosovës.

Pas një takimi në Tiranë me kryeministrin Rama, Thaçi shkroi në FB:

“Sapo zhvillova një takim me kryeministrin e Republikës së Shqipërisë, Edi Rama, ku mes tjerash biseduam për domosdoshmërinë e hapjes së plotë të kufirit Kosovë-Shqipëri dhe krijimin e një hapësire shqiptare pa kufi, nën ombrellën euroatlantike. Në këtë takim ngritëm nevojën e korrigjimit të padrejtësive historike, duke bashkuar faktorin shqiptar rreth sensibilizimit të së drejtës të bashkëngjitjes së Preshevës, Medvegjës dhe Bujanocit me territorin e Republikës së Kosovës”, shkruan Thaçi.