”T’i harroni paratë nga Europa nëse Beleri nuk betohet”, ministri grek kërc*non Shqipërinë

Çështja e Fredi Belerit po kthehet në një betejë të Greqisë. Ministri i Punës dhe Çështjeve Sociale, Adonis Georgiadis dha sot një mesazh të ashpër për Shqipërinë. Ai paralajmëroi vendin tonë me një gjuhë të ashpër, ku tha se nëse nuk bëhet betimi i Fredi Belerit si kryetar i Bashkisë së Himarës, Shqipëria do të ketë pasoja për anëtarësimin në Bashkimin Evropian.

“Ta harrojë paratë nga BE nëse pengon betimin e Belerit. Shqipëria do të harrojë paratë nga Europa nëse Fredi Beleri nuk betohet si kryebashkiaku i Himarës. Shqipëria do paguajë çmim shumë të lartë nëse vazhdon të shkelë të drejtat e grekëve”,-tha ministri i Punës në Greqi.

Mospjesëmarrja e Shqipërisë në darkë, vjen në një kohë kur Tirana dhe Athina zyrtare janë përplasur për çështjen e Fredi Belerit. Nga njëra anë është qeveria greke që kërkon lirimin nga qelia të kryebashkiakut të Himarës dhe nga ana tjetër qëndrimi i pandryshuar i Ramës, i cili që arrestimin dhe hetimin e Belerit në akuzë për blerje të votave, e quan çështje të drejtësisë në të cilën Greqia nuk duhet të ndërhyjë.

Akademiku Artan Fuga e ka cilësuar të drejtë refuzimin e Presidentit Bajram Begaj për të mos shkuar në Athinë, pasi ftesa ishte me spec. Për të ftesa greke kërkonte që të anashkalonte kryeministrin shqiptar dhe duke mos e pranuar ftesën për zotin Begaj, e bën që Presidenti të mos përdoret si Kalë Troje, pra si mjet për të evituar kryeministrin shqiptar.