Topalli: Partia Demokratike në rrezik zhdukje

Ish-kryetarja e Parlamentit gjatë qeverisë ‘Berisha’, Jozefina topalli, ka vijuar sulmet ndaj liderit aktual të Partisë Demokratike Lulzim Basha.

Gjatë një interviste në emisionin “5 pyetje nga Babaramo”, është shprehur se Partia Demokratike dhe e djathta në tërësi është në rrezik zhdukje. Sipas saj arsyeja për këtë është mospatja e një ideologjie të djathtë çka e ka futur PD-në në një krizë të thellë identiteti.

Për këtë Topalli fajëson kryetarin Lulzim Basha.  Si një nga zërat më kritikë të Lulzim Bashës, Topalli është shprehur se Partia Demokratike nuk është një alternativë qeverisëse.

Teksa dha arsyet për këtë, ajo tha se në PD ka mungesë të përfaqësimit, mungesë të lidershipit, krizë identiteti dhe një rezultat shumë të dobët në zgjedhjet e fundit parlamentare.