Topi në Pogradec: Ja pse pranuam ftesën e Edi Ramës për koalicion

Kryetari i Frymës së Re Demokratike Bamir Topi ka organizuar në Pogradec një takim me strukturat e partisë për zgjedhjen e kreut të kësaj partie në këtë qytet .

“Respektuam dhe vlerësuam kërkesën për koalicion që u bë nga Rama publikisht. E pranuam këtë ftesë. Krahu i ashtuquajtur i djathtë as nuk denjoi të dërgonte ftesë.

Ne jemi ndarë për parime dhe jo për çështje personale. Ata punojnë për pushtet dhe interesat e tyre, ne për parime. E neveritshme kur partitë politike futen në koalicion për të bërë pazare”, u shpreh Topi duke iu drejtuar të pranishmëve.

Ndërsa, Gazmend Oketa tha se aktualisht kjo parti është në fillesat e koalicionit me Partinë Socialiste ndërkohë që në Korçë FRD është përjashtuar nga PD pa asnjë bazë.

“Ndërtimi në parim pra ndërtimi në shtet është parimi ynë. Kodi zgjedhor duhet të respektohet. Do vazhdojmë të zgjedhim kandidatin e duhur për çdo bashki. KQZ fatkeqësisht është një institucion i kontrolluar politikisht, ndërsa Kodi Zgjedhor antikushtetues”, u shpreh Oketa.