Triumf i konservatorëve në Austri, fiton 31 vjeçari

Pas një fushate elektorale të përqendruar në temat e imigrimit, të islamizimit dhe të refugjatëve dhe një gare të populistëve nga e djathta dhe fare nga e djathta, Austria duket se do të orientohet djathtas. Partia konservatore, Partia Popullore Austriake (ÖVP) me kandidatin e saj Sebastian Kurz ka fituar sipas përllogaritjeve paraprake 31,5% të votave.

Pas saj renditet Partia Socialdemokrate e kancelarit aktual Christian Kern. Në vend të tretë me 25,9% renditet partia populiste e djathtë FPÖ.

Pjesëmarrje e lartë në votime

Qendrat e fundit të votimeve në Austri u mbyllën në orën 17:00. Por numërimi i votave do të vazhdojë deri nga mesi i javës, për shkak se ka pasur shumë zgjedhës që kanë votuar përmes votimit me rrugë postare.

Pjesëmarrja në votime ishte edhe më e lartë se në vitin 2013, kur ishte 74,9%. Kjo lidhet me luftën e ashpër elektorale mes socialdemokratëve dhe konservatorëve dhe akuzat e ndërsjellta. (DW)

Urimi Lulzim Bashës për kreun e Partisë Popullore Austriake, Sebastian Kurz.

Kreu i opozitës Lulzim Basha, ka uruar por fitoren e zgjedhjeve parlamentare në Austri, kreun e Partisë Popullore Austriake, Sebastian Kurz.

Ka qenë vetë Basha, i cili me anë të një postimi në Facebook, ka njoftuar se ka uruar kancelarin e ri të Austrisë. Sipas tij me kancelarin e ri të Austrisë, Shqipëria do të ketë një mbështetje edhe më të madhe në rruigën e saj drejt Bashkimit Evropian.

Ja postimi i Bashës:

Sapo urova mikun tim, kryetarin e Partisë Popullore Austriake, Sebastian Kurz për fitoren në zgjedhjet e sotme parlamentare. Fitorja e tij pas nje beteje të fortë dhe fushate të shkëlqyeshme është një lajm i mirë për Austrinë, Europën dhe familjen tonë politike EPP – European People’s Party. Me kancelarin e ri Kurz, Shqipëria do të ketë vëmendje dhe mbështetje më të fuqishme në sfidat jetike të demokracisë dhe integrimit europian.