Ulsi Manja kallëzon në SPAK gjyqtaren e shkarkuar nga Vettingu: Bllokoi një investim të qeverisë

Ministri i Drejtësisë Ulsi Manja kallëzon në SPAK një gjyqtare të shkarkuar dy muaj më parë nga vettingu.

Në një deklaratë për mediat, Manja tha se ky është rast skandaloz, i turpshëm i abuzimit me detyrën e lartë të gjykatësit. Bëhet fjalë për gjyqtaren K. Çela, e cila u shkarkuar javën e fundit të tetorit nga KPK.

“Jam sot këtu për të bërë publik një kallëzim që sot do ta depozitojmë në SPAK për një vendimmarrje të një gjykatëseje të Gjykatës së Rrethit Gjyqësor Tiranë, duke penguar një investim madhor.

Rast skandaloz, i turpshëm i abuzimit me detyrën e lartë. Gjykatësja K.Ç. gjykatëse e gjykatës civile, ka lënë peng fëmijët duke bllokuar punën për Qendrën Kombëtare të Fëmijëve. Kur sapo ministria bëhet gati të nisë punën, prona e shtetit na del me barrë”, tha Manja.