VELIAJ BËN REZYMENË E PUNËS SI MINISTËR: HAPJA E DOSJEVE, PUNËSIMI DHE DËMSHPËRBLIMET

Erion Veliaj, kandidat i së majtës për Bashkinë e Tiranës ka postuar së fundmi dy arritjet e tij si ministër, siç ai i cilëson, punësimin dhe dëmshpërblimet e ish-të përndjekurve.

Veliaj ka deklaruar se do të japë dorëheqjen nga ministria javës tjetër dhe ndërkohë në profilin e tij në ‘’Facebook’’ shkruan se është krenar që në një vit kanë përfituar më shumë se 5070 ish-të përndjekur.“Shpërndaje premtimin e mbajtur! Vuajtja nuk ka çmim, por jemi krenarë që vetëm në një vit kanë përfituar dëmshpërblimin më shumë se 5070 ish të përndjekur politikë. Po hapim dosjet sepse një komb që harron, i përsërit gabimet e veta. ‪Shqiperia Solidare. ‎Gjera Konkrete”, shkruan Veliaj.Përveç këtyre, Veliaj ka publikuar edhe shifrat e nxitjes së punësimit, që gjatë kohës kur drejtonte ministrinë e Mirëqënies Sociale dhe Rinisë.

“‎Fondi Nxitjes Punësimit u trefishua në 2014 (2.7 milion dollarë) dhe u dyfishua në 2015 (4.5 milion dollarë). Ndihmoi mijëra të sapodiplomuar, persona me aftësi të kufizuar, emigrantë të sapokthyer dhe gra e vajza. ‪Puna Mbare’’, shkruan në profilin e tij Veliaj.