Veliaj uron kryetarin e ri të Prishtinës: Suksese dhe të priftë e mbara!

Përparim Rama ka nisur sot zyrtarisht punën si kryetar i Bashkisë së Prishtinës.

Përmes një postimi në rrjete sociale, Kryetari i Bashkisë së Tiranës, Erion Veliaj, ka uruar kolegun e tij të rinj nga Prishtina për marrjen e detyrës.

“Shpend Ahmeti e transformoi Prishtinën në një vend funksional, të pastër, plot jetë – thënë troç, e vendosi në hartën e qyteteve moderne. Bravo mik! Sot e merr stafetën, miku ynë i përbashkët Përparim Rama për ta çuar akoma më tej punën e nisur! Suksese dhe të priftë e mbara”, shkruan Veliaj.