VIDEO/ Basha: Regjimi i Ramës ka mbaruar. Do të ketë zgjedhje të parakohshme

Kryetari i Partisë Demokratike, Lulëzim Basha do të jetë mbrëmjen e sotme, duke nisur nga ora 21:00, LIVE në RTV Ora News,  në studion e “360 Gradë” të Artur Zhejit. Ai po flet lidhur me strategjinë e opozitës për të rrëzuar kryeministrin Rama.

Sa i përket djegies së mandateve, kryedemokrati është shprehur se ky ka qenë imponim i qytetarëve.

“Kishim vetëm dy rrugë. Ne jemi sot në një sistem ku një njeri ka kapur gjithë pushtetin. Ka asgjësuar Gjykatën Kushtetuese, ka kapur drejtësinë dhe ka asgjësuar Prokurorinë. Opozita me të drejtë, ishte kthyer në fasadë. Ne nuk arrinim  dot përmes rolit parlamentar që është i kufizuar veçanërisht pas ndryshimeve të 2008-s. Është pjesë e marrëveshjes Basha-Rama që të rrini aty. Erdhi një moment ku qytetarët na vunë para zgjidhjes duke çuar vendin drejt krizës institucionale ose ta linim të degradonin në shfaqje dhune”, u shpreh Basha.

Sipas tij, ky vendim ka qenë shumë i vështirë, por i domosdoshëm.

tha se vendimi për djegien e mandateve ishte i vështirë.

“Vendimi ku kemi arritur është një vendim i vështirë, aspak i lehtë, por në këtë vendim kemi arritur pasi kemi shteruar çdo mundësi tjetër për t’i shërbyer interesin publik. Ne jemi përpjekur të zgjidhim përmes iniciativave tona problemet kryesore të vendit. Zgjedhjet jo të lira, qeveria e korruptuar, lidhjet e politikës me krimin. Mjerimi ekonomik që shkaktohen nga afera të mëdha korruptive”, deklaroi ai.

Më tej, Basha shtoi se: “Regjimi i Ramës ka mbaruar. Do të ketë zgjedhje të parakohshme këtë verë. Kjo nuk është betejë për pushtet, nuk duam largimin e Ramës, por ti japim fund kohës kur parlamenti drejtohet nga krimi”.

https://www.facebook.com/lulzimbasha.al/videos/2156943774616149/

Gjithmonë ka ndodhur në histori, që ka disa realitete paralele, shpesh krejt të kundërta me njëra tjetrën. Në rastin e këtyre protestave dhe dorëheqjes masive të mandateve nga shumica dërmuese e deputetëve të Opozitës shqiptare, nuk mungojnë ata, që refuzojnë të jenë pjesë e vendimit politik të partisë së tyre.

Çfarë po përgatitet nën rrogoz, një opozitë e re, parlamentare e komanduar dhe e sponsorizuar nga qeveria apo segmente të afërta me të?

Është ky proces, legjitim dhe i qëndrueshëm?

A janë protestat, tashmë e vetmja rrugë e Opozitës, për të kundërshtuar këtë situatë të re që po krijohet në Kuvendin e Shqipërisë?

Skenarët e kryeministrit për të mbushur kuvendin me opozitarë të komanduar, kundrejt skenarëve të Opozitës për protesta të vazhdueshme, deri në rrëzimin e qeverisë…

A do të shkojë më tej zbardhja e Dosjes 339, apo ishte thjesht një alarm fals?