VIDEO/ Rama: Vermoshi, mahnitja e motoristëve nga Greqia

Fshati turistik i Vermoshit në Shkodër është kthyer në një prej destinacioneve më të preferuara për turistët e huaj. I ndodhur në një distancë prej gati 100 km nga qyteti i Shkodrës, në një lartësi prej 1100 metra mbi nivelin e detit, Vermoshi është fshati më i madh i Alpeve të Shqipërisë.

Kryeministri Edi Rama ka publikuar në Facebook momente nga vizita e disa motoristëve nga Greqia, që kanë udhëuar për në Vermosh. “Vermoshi, mahnitja e motoristëve nga Greqia”, shkruan Rama.

Vermoshi përbën skajin më verior të Republikës së Shqipërisë. Fshati i Vermoshit është i ngritur mbi një fushë malore të krijuar nga lumi i Limit dhe shtrihet në një luginë me origjinë akullnajore.