Xhaçka ndërpret vizitën zyrtare në Itali, niset drejt Letonisë

Ministrja e Mbrojtjes Olta Xhaçka, ka ndërprerë vizitën zyrtare në Itali ku do të takohej me kryeministrin, Juseppe Conte dhe homologen italiane Elisabetta Trenta.

Shak për këtë, është bërë ngjarja tragjike e ditës së djeshme, ku humbi jetën ushtarakja Zarife Hasanaj dhe u plagosën dy efektivë të tjerë, si pasojë e shpërthimit të një mine.

Xhaçka pritet të mbërrijë në Letoni (Riga) rreth mesditës ku fillimisht do të vizitojë dy efektivët e plagosur e më pas do të udhëtojë për në bazën Camp Adazi për të takuar kontigjentin shqiptar atje.

Ndërkohë, pak më parë në bazën ushtarake u zhvillua ceremonia e nderimit për nëntetaren Hasanaj.