Zbardhen SMS-të/ Vëllai i ministrit të LSI-së kërcënon ministrin e jashtëm

Një akt i paprecedentë ka ndodhur këtë të enjte në nivelet e larta të qeverisë. Leonard Koka vëllai i ministrit të Mjedisit Lefter Koka që vjen nga radhët e LSI-së është përfshirë një përplasje të fortë me ministrin e Jashtëm, Ditmir Bushati. Lapsi.al ka siguruar një bisedë mes të dyve në WhatsApp ku Koka e kërcënon ministrin për emërimet e bëra në konsullatën e Milanos. Biseda mes tyre i kalon kufijtë e etikës pasi vëllai i ministrit Koka e ka fyer Bushatin. Leonard Koka (ose Nar Koka) është një nga personazhet e njohura mes krerëve të mazhorancës. Ai ka qenë i afërt me kryeministrin Nano dhe më pas Ilir Metën. Koka ka ndërmjetësuar edhe mes Metës dhe Ramës për marrëveshjen e 1 prillit (marrw nga Lapsi.al)

Nar Koka: Do vij e të flas me gjatë

I kontaktuar nga Syri.net, Leonard Koka, vëllai i ministrit të Mjedisit Lefter Koka ka reaguar për SMS-të e publikuara nga Syri.net.

Nard Koka nuk ka mohuar mesazhet, por i ka pohuar redaksisë sonë se për momentin ndodhet jashtë vendit dhe do të flasë sapo të kthehet.

“Jam larg dhe kthehem pas tre ditësh. Do të flas gjerë e gjatë për këtë person”,  pohoi për Syri.net Leonard Koka.

Vëllai i ministrit të Mjedisit u përplas ashpër me ministrin e Jashtëm Ditmir Bushati për funksionimin e konsullatës shqiptare në Milano.