12 shenjat e horoskopit, ja çfarë ju pret këtë javë

Dashi

Duhet ta dish që njerëzit me të cilët rri, do të të shërbejnë shumë në të ardhmen. Hëna në Ujor do të bashkëveprojë me Jupiterin për të të ndihmuar të kesh më shumë ide kreative, të cilat do t’i ndash me miqtë, kolegët dhe të afërmit e tu. Gjatë kësaj jave do të përpiqesh të fuqizosh lidhjen tënde mes ndjesive dhe trupit, për të pasur më shumë kujdes për mirëqenien tënde.

Demi

Gjatë kësaj jave do të eksplorosh vlerat dhe parimet e tua, sidomos në aspektin e punës. Një bashkëpunim mes Marsit dhe Afërditës do të të ndihmojë që të përdorësh me mençuri aftësitë e tua në komunikim, për të arritur në një nivel të ri në punë, si dhe për të marrë informacionet që do të të duhen. Prapavija e Saturnit në shenjën e Peshqve të mundëson ritakimin me njerëz nga e shkuara jote.

Binjakët

Lëre kuriozitetin të të udhëheqë, i dashur Binjak! Hëna dhe Jupiteri të bëjnë të përhumbesh në dëshirat e tua për të zbuluar të tjera vende dhe për të zgjeruar horizontin tënd. Më pas, bashkëveprimi i Marsit dhe Afërditës të frymëzon të reflektosh dhe dëgjosh ndërgjegjen tënde.

Gaforrja

Gëzuar ditëlindjen, Gaforre! Këtë javë do të zbulosh më shumë rreth së vërtetës tënde dhe do të frymëzohesh që të gjesh autenticitetin tënd. Marsi dhe Afërdita të ndihmojnë që të komunikosh më shumë me miqtë dhe të gjesh kohën e duhur për ta. Për ty, kjo periudhë është e mbushur me leksione dhe mençuri, të cilat do të të sfidojnë, por edhe do të të formësojnë.

Luani

Nëse e gjen veten në situatë të vështirë, kërko ndihmë. Të hënën, do të mund të përjetosh një ndryshim të madh në qasjen tënde për të bërë gjithçka vetëm. Do të telefonosh miqtë e afërt, ata të cilët kujdesen për nevojat e tua dhe do të mund të përqafosh sjellje të reja, më të dobishme për të ardhmen tënde.

Virgjëresha

Qëndro me këmbë në tokë. Kjo javë përkon me një test për përqendrimin dhe aftësitë e tua vëzhguese, ndaj sa më vigjilent/e të jesh, aq më shumë sukese do të kesh. Bashkëveprimi i Afërditës dhe Marsit të shtyn që të planifikosh një aventurë me miqtë e tu dhe të mendosh për pushime, shërimin e shpirtit tënd dhe ta shohësh të ardhmen me më shumë guxim.

Peshorja

E ke vënë re sa të shkon vetëbesimi? Këtë javë, besimi që ti ke në veten tënde do të jetë në stratosferë, ndaj ndërmerr rreziqe të cilat më parë as nuk i kishe menduar. Do të shfaqen para teje rrugë të reja dhe interesante, të cilat do të të ndihmojnë të kesh një mendësi dhe perspektivë tjetër në thuajse çdo aspekt të jetës.

Akrepi

Beso më shumë tek të tjerët. Ti meriton më shumë dhe të gjithë e dinë këtë, ndaj është mëse okay që të krijosh besim dhe të mund të varesh tek të tjerët për disa projekte. Marsi dhe Afërdita i japin romancën shtysën, kiminë dhe entuziazmin e duhur, ndaj s’është aspak çudi që në fundjavë të bësh një arratisje romantike me personin e zemrës.

Shigjetari

Përdori me kujdes fjalët e tua, Shigjetar! Të hënën, bashkëpunimi mes Hënës dhe Jupiterit të motivojnë që të dëgjosh me më shumë kujdes dhe të flasësh atëherë kur e sheh të nevojshme. Gjërat e vogla kanë një ndikim shumë të madh në marrëdhëniet e tua, ndaj bëj kujdes me tonin dhe mënyrën e komunikimit.

Bricjapi

Hapat që hidhen me kujdes të çojnë larg. Të lëvizësh ngadalë të bën të arrish më shumë suksese dhe ti e di këtë, andaj, mos u nxito dhe shijo të gjithë procesin. Kimia me një person që duket shumë ndryshe nga ti do të jetë në ajër gjatë kësaj jave, ndaj mos u step që të zbulosh të panjohurën.

Ujori

Shprehe veten, Ujor! Java nis me një dëshirë të madhe për të treguar një të vërtetë që prej kohësh e ke mbajtur sekret, së pari nga vetja e mandej, nga të tjerët. Një bashkëpunim mes Afërditës dhe Marsit të bën që të gjesh qetësinë dhe hapësirën që të duhet këtë kohë. Në fund të kësaj jave do të kesh mundësi të bësh më shumë praktika shpirtërore, si dhe t’u kushtosh më shumë rëndësi financave.

Peshqit

Lëre të shkuarën atje ku e ka vendin! Gjatë kësaj do të mund të çlirohesh nga sjellje dhe zgjedhje që u përkasin të shkuarës dhe në vend të tyre do të përqafosh mundësi të reja, të cilat do të fuqizojnë aftësitë e tua në komunikim dhe do të të mundësojnë më shumë marrëdhënie të shëndetshme me njerëzit që të rrethojnë. Reflekto, mëso, apliko!