Ariana, artistja me më shumë ndjekës në YouTube

Ariana Grande kalon Taylor Swiftin dhe Katy Perryn, duke u bërë artistja më e kërkuar në YouTube. Tani ka më shumë se 32.6 milionë abonentë, krahasuar me Swiftin, e cila ka 32.2 milionë dhe Perryn me 32.2 milionë.

Videot e saja muzikore gjithashtu regjistrojnë të dhëna enorme të shpërndarjes në internet. Hiti i fundit “7 Rings”, tekstin e së cilit e ka shkruar shqiptarja Njomza Vitia, u shikua 23.6 milionë herë gjatë 24 orëve të para.

Kënga “Break Up With Your Girlfriend, I’m Dored” është e dyta në listën e videove që kishin më shumë shikime në 24 orët e para. Ajo u shikua 21.9 milionë herë në YouTube.  Grande nxori në shitje albumin më të ri muzikor “Thank U, Next”, i cili ka çdo mundësi të jetë në vendin e parë në tabelën e Billboard.

Ariana fitoi çmimin e parë në “Grammy Awards”, ku triumfoi në kategorinë për albumin më të mirë pop “Sweetener”, por ajo nuk erdhi të tërheqte trofeun.