Babai i Stresit: Si i ngritën kurth dhe kush ishte vajza në hotel

Arkimed Lushaj u arrestua nga policia nën akuzën e armëmbajtjes pa leje dhe lëndë narkotike. Dy javë më parë ai u gjet në dhomën e një hoteli në të cilin u mësua se ndodhej edhe një vajzë, që nuk ishte e dashura e tij, Kejsi.

Babai i reperit, Sali Lushaj duket se ka folur sërish dhe ka dhënë versionin e tij për gjithë çfarë ndodhi atë ditë. I ftuar në programin ”Sevenbizz”, Lushaj është shprehur se të birit i është ngritur kurth.

”Ai shkoi në hotel për të fjetur gjumë. Kishte zënë një dhomë tjetër, i ndërruan dhomën. Shkuan futën armën e mbështjellë me peshqir dhe e lanë në dollap. Ai flinte gjithmonë në dhomën 3, ata i sugjeruan një tjetër dhomë këtë herë”,-tregon ai.

Përsa i përket vajzës së panjohur që ndodhej me Stresin në një dhomë, i ati tha se ishte thjesht një fanse që donte foto. ”Në momentin që një fanse ka thënë dua të bëj fotografi, as një minutë ka hyrë policia. Vajza ishte e ulur në karrige”. Përsa i përket Kejsit, të fejuarës së reperit Lushaj tha se ajo e ka marrë me sportivitet pasi e njeh partnerin e saj kush është dhe se çdo ditë ajo është pranë tyre.