Dy vite pas divorcit, Rudina Hajdari prezanton partnerin e ri
![](https://kohajone.com/wp-content/uploads/2024/07/rudina-hajdari.jpg)
Dy vite pasi njoftoi divorcin me partnerin e saj, ish-deputetja e PD, Rudina Hajdari duket se ka rigjetur dashurinë.
Ka qenë vetë Rudina Hajdari, e cila ka publikuar një foto duke treguar se po shijon pushimet në jug të Shqipërisë në krahët e partnerit të saj të ri.
E ulur në prehrin e tij dhe të dy shumë të qeshur, Rudina shkruan: E bekuar.
Kujtojmë se Rudina Hajdari i dha fund martesës me Muçjon Demirajn dy vite më parë, me të cilin ishte njohur në New York në moshë fare të re, më pas aty kanë organizuar edhe dasmën.
Ndarja e tyre u konfirmua edhe nga vetë Rudina, e cila tha se marrëdhënia e tyre ishte ftohur. Kjo për shkak të vështirësisë së lidhjes në distancë pasi Rudina rikthye në Shqipëri, për t’u marrë me politikë.
Çfare ndodhi me çiftin
Dy vite me pare Rudina Hajdari tregoi se vendosi që të ndjekë ëndrrat e saj, ndërsa bashkëshorti nuk u përshtat dot me jetesën në Shqipëri dhe po jeton në Amerikë.
“Marrëdhënia në distancë është shumë e vështirë sepse që në vitin 2017 kemi këtë histori që jemi larg njëri-tjetrit. E padyshim që ka krijuar një ftohje në marrëdhënie, por ne mundohemi që të bëjmë më të mirën sepse kemi një vajzë. Kjo e bën marrëdhënien pak më të komplikuar.
Duke marrë parasysh që vajza po rritet dhe kupton akoma më shumë, mundohemi që të bëjmë më të mirën të mundshme. Por që largësia bën të veten padyshim. Nuk është njësoj sikur të isha në Amerikë, por që si çdo njeri që ka dëshirë të ndjekë ëndrrat e veta, unë zgjodha këtë rrugë.
Por as atij nuk i vë faj sepse ka investuar në Amerikë prej më shumë se 20 vitesh dhe është shumë i suksesshëm aty ku është, e quajti gati të pamundur rikthimin e tij në Shqipëri pavarësisht se është shqiptar. Është larguar prej shumë vitesh dhe në momentin që u ktheva, ai kishte 17 vite që s’kishte shkelur këtu. Në momentin që u kthye nuk u ambientua dot, ishte një realitet komplet ndryshe. Nuk i vendos faj. Tani është ndryshe, sepse çdo verë ka dëshirë që të rikthehet këtu. Mbas një jave do vijë të kalojë pushimet e verës këtu dhe kemi dëshirë që vajza jonë të kalojë po ashtu pushimet këtu. Nuk ka si deti jonë”, rrëfeu Rudina Hajdari dy vite me pare.
Po ashtu, Rudina Hajdari dhe Muçjon Demiraj, janë edhe prindër të një vajze, Sihana 9 vjeçe.
Panorama