Fjolla Morina përshëndet me këtë foto vendimin e gjykatës së Kukësit që e dënoi me 6 vite burg

Gjykata e Kukësit dënoi sot me 6 vite burg këngëtaren e njohur nga Kosova, Fjolla Morina. Mbi këngëtaren rëndon akuza e rëndë e trafikimit të armëve.

Pak orë pasi u dënua, Fjolla e ka përshëndetur në mënyrën e saj vendimin e togave të zeza të Kukësit. Këngëtarja ka publikuar një foto nga ishujt Maldive, ku shfaqet në ujë me rroba banjo, ndërsa bien në sy format e saj.

Këngëtarja ndodhet në Maldive prej disa ditësh, ndërsa i dha atje fund beqarisë, duke u martuar me partnerin e saj Fisnik Syla.

Fjolla Morina u arrestua më 19 shtator në pikën kufitare të Morinës me dy armë me vete në makinë. Së bashku me të ishte i dashuri i saj dhe shoferi.

Gjykata e Kukësit vendosi më vonë që hetimet ndaj këngëtares të vijojnë ne “arrest shtëpie”. Por arrest shtëpiak për Fjollën nuk zgjati shumë, pasi këngëtarja u arratis nga Kukësi.

Banesa ku Morina qëndronte me qira ishte në Kukës. Policia shkoi për kontroll, por nuk e gjeti në banesë dhe nisi hetimet. /abcnews.al