Shtëpia e Big Brother VIP 4 është ndarë në dy kampe midis Rozanës dhe Olsit, çka pritet të ndryshojë totalisht bashkëjetesën dhe dinamikat në ambientet e brendshme të shtëpisë.
Banorët që shkuan me Olsin: Aldo, Zebërvoki, Laerti, Klajdi, Xumi, Bernardi, Jozi, Arsida.
Skuadra e Rozanës: Livia, Egli, Gerta, Amber, G Bani, Gramosi, Loredana, Valbona.
Pas përzgjedhjes, Olsi si lider i skuadrës ka marrë anëtarët e ekipit të tij dhe është larguar nga ambientet e shtëpisë për në ish-dhomën e xhuxhave.
Të ndarë në dy grupe, Vëllai i Madh u ka dhënë udhëzimet e fundit banorëve; sakaq një televotim me pyetjen “kush do të shpëtoni?” është hapur mbi emrat e liderëve të dy skuadrave. Anëtarët e skuadrës humbëse do të jenë në rrezik për të qëndruar në shtëpi.
Sipas rregullave të Vëllait të Madh, nuk duhet të ketë asnjë komunikim mes pjesëtarëve të skuadrave të ndryshme. Rozanës dhe asnjë banori tjetër pjesë e ekipit të saj nuk i lejohet të shkojnë në ambientet e skuadrës së Olsit. Nga ana tjetër, vetëm Olsi si lider i grupit mund të largohet nga dhoma për të marrë gjërat e nevojshme për anëtarët e grupit.
Por si i komentojnë opinionistët zhvillimet e fundit në shtëpi?
“Zgjedhjet e Rozit janë më interesante se të Olsit, për shkak se bëri pjesë të ekipit të vet edhe persona të cilët ajo i ka përqëndruar si armiq të lojës sikurse Gerta, Amberi dhe Valbona. Besoj se audienca në pjesën më të madhe të kohës do të dëshirojë dinamikat dhe dinamikat në pjesën më të madhe të kohës ka më shumë shance të ndodhin te grupi i Rozës sesa i Olsit. Nga ana tjetër, Olsi zgjodhi një mënyrë tjetër për të luajtur, duke bërë pjesë të ekipit të tij pjesën më të madhe të shtëpisë që shkon mirë. Mirëpo, kjo është e bukura e këtij formati, ti zgjedh dhe nuk e di çfarë do të marrësh pas. Uroj që djemtë ta kuptojnë këtë lojë që do të sjellë dinamika të tjera në shtëpi dhe përfundojnë duke luajtur “domino”” – tha Arbri.
“Jam shumë dakord me Arbrin kur them se më pëlqyen më shumë zgjedhjet e Rozanës për shkak të diversitetit dhe dinamikave që mund të shkaktojnë gjatë javës. Megjithatë, Olsi bëri një zgjedhje të sinqertë. Sot kuptuam që Olsi mendon se është lideri i shtëpisë dhe kundërshtarin e tij më të rëndësishëm dhe projektoi përballë vetes. Interesante është edhe mënyra se si projekton veten e tij në raport me djemtë. I ka mbetur kjo nofkë e profesorit dhe mesa duket ka filluar t’i pëlqejë dhe interesojë. Ka qëta çunat rreth e përqark dhe shpreson të bëhet mendja e këtyre djemve. Por dinamikat janë më interesante në sytë e publikut sesa kur kërkon një ushtri me ushtarë që t’i binden” – tha Neda./TCH/