Moderatorja sulmohet nga gruaja e këngëtarit italian, ja çfarë ndodhi

Moderatorja italiane, Laura Cremaschi, u përfshi në një incident pasi dëshironte të bënte një foto me këngëtarin e famshëm Francesco Facchinetti.

Teksa darkonte me miqtë e saj në një restorant, ajo vuri se jo shumë larg prej saj ndodhej këngëtari i saj i preferuar italian. Kështu që ajo i kërkoi që të bënin një foto, dhe telefonin për të shkrepur momentin ia dha bashkëshortes së tij, Wilma Faissol. Pasi bëri foton e parë prezantuesja i kërkoi asaj që t’u bënte dhe një tjetër pasi tek e para kishin dalë keq.

Sipas “Ilmessaggero.it” ishte pikërisht ky momenti ku Wilma u zemërua dhe filloi ti ulëriste. Ajo akuzoi moderatoren se kishte gjithë natën që i ngacmonte bashkëshortin me shikime dhe e provokonte.

Ndërsa të dyja debatonin, këngëtari i kërkoi bashkëshortes së tij që të largoheshin. Por si dukej  ajo ishte aq e nxehur sa mori gotën e ujit dhe ia hodhi në fytyrë moderatores, e cila e bëri këtë veprim publik me anë të videos së mëposhtme.

“E përsëris, doja vetëm një selfie, siç më kërkojnë shumë prej jush kur më shihni vërdallë. Jam e shokuar! Ja videoja e agresionit!, shkroi ajo.