Sabri Fejzullahu takohet me nënën e Rita Orës në Londër

Këngëtari i mirënjohur, Sabri Fejzullahu po qëndron në Britaninë e Madhe me familjen e tij.

Sabriu përpos qëndrimit dhe pushimit në Londër, në rrjetet social ka postuar momente nga takimi me nënën e Rita Orës.

Këngëtari fillimisht publikoi foton në rrjetin social Instagram ku të dy shfaqen të buzëqeshur.

Më pas ishte bashkëshortja e tij që po ashtu shpërndau postimin në fjalë.

Nëna e Rita Orës u shfaq në rrjetet sociale ditë më parë me mesazhe vetdijësuese, në luftën e saj kundër kancerit.

Ndërkaq, Sabri Fejzullahu së fundmi publikoi videoklip me rastin e pavarësisë së Kosovës.