3 gola në 6 ndeshje, emocionohet Asani: Tifozët, mbështetja jonë më e madhe
Një nga yjet e kombëtares, Jasir Asani, i cili është një nga autorët e golit në përballjen e sotme ndaj Çekisë, e ka cilësuar këtë takim si një finale, që u mbyll me sukses. Ai ka vlerësuar tifozerinë në stadium, si mbështetja më e madhe e kuqezinjve në fushë.
“Tifozët kanë qenë mbështetja jonë që nga minuta parë, ka qenë një finale tjetër, për fat treguam një rezultat shumë të mirë. Për golat, është merita e të gjithëve që krijojnë hapësira për mua”, tha Asani.
Po ashtu ylli kuqezi, Asani nuk ka nguruar të tregojë mirënjohjen për trajnerin që e ftoi në kombëtare. “Kemi bërë një ndeshje shumë të mirë, pas golit arritëm të krijojmë dhe raste të tjera. Dua të falenderoj trajnerin sepse më kanë mbështetur që ditën e parë dhe jam mirënjohës për gjithë jetën”, përfundoi Asani.
