50 kandidatët për të fituar çmimin “Golden Boy”, mes tyre dhe sulmuesi shqiptar që zgjodhi Gjermaninë

Gazeta italiane “Tuttosport” ka shpallur listën e 50 të nominuarve për të fituar çmimin “Golden Boy”. Gjithashtu ajo ka shpallur një renditje paraprake, teksa pretendenti kryesor për ta fituar këtë çmim është sulmuesi i Barcelonës, Lamine Yamal.

Gjithsesi gara pritet të jetë e fortë me emra të tjerë pretendentë si Joao Neves i Benfica-s, Alejandro Garnacho i Manchester United apo Zaire-Emery i PSG-së.

Mes 50 emrave është edhe sulmuesi shqiptar që ka zgjedhur Gjermaninë, Brajan Gruda, i cili sipas “Tuttosport” renditet në vendin e 48-të.