A do të largohet Ronaldo? Flet miku i tij te Juventusi: Nëse nuk ndodh diçka e çuditshme …

E ardhmja e Cristiano Ronaldos te Juventusi është vënë në dyshim pas eliminimit nga Champions League. Së fundmi në mediat italiane është raportuar se CR&  ka kërkuar nga drejtuesit një sulmues qendre dhe një fantazist që të garantojë asiste për të, në mënyrë që Juventusi të jetë konkurrues për të fituar Champions League.

Në lidhje me të ardhmen e tij është ngacmuar edhe portieri i tretë i Juventusit, Carlo Pinsoglio, i cili është edhe miku më i afërt i i portugezit.

“A do të qëndrojë ai vitin e ardhshëm? Nuk e di, shpresoj që po. Ka akoma edhe një vit kontratë. Nëse nuk ndodh diçka e çuditshme, mendoj dhe shpresoj të qëndrojë”, është shprehur Pinsoglio për gazetën “Tuttosport”.