Agjenti i Verrattit flet për ofertën 100 milionë Euro të Barcelonës

Marco Verratti është objektivi kryesor i merkatos së Barcelonës e cila kërkon të shpenzojë mbi 100 milionë euro.

Agjenti Donato Di Campli ka thënë se është shumë i komplikuar një transferim i mundshëm i italianit në “Camp Nou”.

“Është shumë e komplikuar të largohet, por ne tashmë i kemi treguar PSG-së idetë tona. Nuk po flasim për Barcelonën apo ndonjë klub tjetër, por për projektin. Nëse PSG-ja nuk dëshiron ta shesë, pas gjitha ofertave nga Evropa, atëherë duhet t’i shikojmë se si janë gjërat në Itali. Është e vështirë… Mendoj se do të ishte një marrëveshje që ende është jashtë fushës së klubeve italiane”, u shpreh ai.