As Juvja dhe as Milani, një opsion i ri nga Seria A për Icardin

Mauro Icardi mund të rikthehet sërish në Serinë A. Pas eksperiencës me Interin, argjentinasi që aktualisht aktivizohet te Paris Saint Germain ku bën pjesë që nga viti 2019, mund t’i bashkohet Romës për sezonin e ardhshëm.

Sipas mediave italiane, klubi verdhekuq është vënë në kërkim të pasuesit të Edin Dzekos, i cili do të largohet nga kryeqytetasit në merkaton e verës dhe Icardi mund të jetë alternativa e duhur për ta zëvendësuar 35-vjeçarin.

Argjentinasi mund të mbërrijë në Romë në formë huazimi me të drejtë blerjeje, por më parë duhet zgjidhur çështja e pagës së lojtarit, që konsiderohet e lartë nga italianët.