Në prag të protestës së paralajmëruar për nesër para Parlamentit, Policia e Tiranës ka shtuar masat e sigurisë, duke parashikuar një prani të konsiderueshme të forcave të rendit në zonën përreth Kuvendit.
Studentja Laura Kërtalli paralajmëroi se protesta e nesërme mund të jetë vetëm një fazë fillestare e një vale protestash që pritet të intensifikohet gjatë vjeshtës.
“Sot parashikohet një protestë paqësore sepse është dita e 100-të, por në ditët në vijim është kërkesë e vetë popullit që të ketë përshkallëzim”, tha Kërtalli.
Sipas saj, protestat pritet të marrin një tjetër dimension gjatë muajve të ardhshëm, veçanërisht në ditët kur zhvillohen seancat parlamentare.
“Presim një vjeshtë plot me përshkallëzime dhe plot me qëndresa kundrejt mbledhjeve parlamentare, sepse pika e dobët e këtij regjimi është te Parlamenti”, u shpreh studentja.