Barazimi me Çekinë dhe fitorja ndaj Polonisë, Shqipëria fiton 3 pozicione në renditjen e FIFA-s

FIFA ka publikuar renditjen e kombëtareve të futbollit pas përfundimit të dueleve të muajit shtator. Shqipëria zhvilloi dy ndeshje fantastike, duke marrë katër pikë ndaj Çekisë dhe Polonisë.

Barazimi në Pragë dhe suksesi fantastik në “Air Albania”, kanë sjellë vendin e parë në grupin E të eliminatoreve të Euro 2024 për djemtë e Sylvinhos.

Kuqezinjtë tanë tashmë janë ngjitur me 3 vende në renditjen e FIFA-s. Kombëtarja shqiptare renditet në vendin numër 62, me mbi 20 pikë më shumë krahasuar me më parë.