Capello: Asnjëherë s’kam parë si Lazio, ti nënshtrohet kaq shumë Bayernit!

Bayerni fitoi me një lehtësi të frikshme sfidën e parë të 1/8-ve ndaj Lazios në Champions League, me shifrat 1-4. Ish-trajneri i njohur Fabio Capello, tashmë në rolin e analistit dha përshtypjet e tij.

“Lazio pagoi shanset që nuk i shfrytëzoi në fillim. Le të mos flasim në lidhje me gabimet mbrojtëse; ne e dimë cilësinë dhe vendosmërinë e gjermanëve. Më bëri përshtypje fakti që kur “shtypej” mbrojtja bardhekaltër, ia jepnin topin portierit Reina dhe ai, zakonisht shumë i mirë për të luajtur me këmbë, kurrë nuk tregoi qetësi.

Presioni i Bayernit është mirë të shihet, por mbase ndonjëherë ishte më mirë të hidhej topi i gjatë. Nga të gjitha ndeshjet e Bayernit që kam parë, asnjë skuadër nuk ka pasur kaq vështirësi sa Lazio. A është krejt futbolli italian në vështirësi, kur përballet në Champions? Kjo lojë më bën ta mendoj”, deklaroi strategu italian.