Chiellini: Jam i lumtur që Shqipëria arriti të kualifikohej për Euro 2024

Giorgio Chiellini ka komentuar shortin e Italisë për Euro 2024, duke e konsideruar ekipin kuqezi si një ekip “mik”. Ai u shpreh i lumtur që Shqipëria arriti të siguronte pjesëmarrjen në Euro 2024, duke thënë se ka shumë miq shqiptarë.

“Shqipëria është miku ynë më i madh me të cilin përballemi. Jemi shumë të lumtur që ata hynë në Euro. Unë kam shumë miq shqiptarë dhe ata e meritojnë këtë. Ne duhet ta respektojmë këtë”.

Chiellini është shprehur optimist se Italia do të dalë nga grupi i cilësuar si grupi më i fortë i Euro 2024, pavarësisht se situata duket pesimiste për “azzurët”.