City fiton ndaj Evertonit në Kupën e Anglisë, vendosin Gundogan dhe De Bruyne (VIDEO)

Dy gola në gjashtë minutat e fundit i kanë dhuruar Manchester City-t kualifikimin në gjysmëfinalet e Kupës së Anglisë. Skuadra e Pep Guardiola ka mundur Everton-in 2-0 në “Goodison Park”.

Pas pjesës së parë të mbyllur në barazim pa gola, Qytetarët zhbllokuan ndeshjen 6 minuta nga fundi, me Gundogan që shfrytëzoi më së miri një kthim të topit duke shënuar me kokë.

Në minutën e 90-të, ka ardhur goli i dytë i miqve, i shënuar nga Kevin de Bruyne, me një veprim fantastik në hyrje të zonës. City po kalon një formë të jashtëzakonshme, teksa thuajse ka fituar titullin dhe është pretendonte në Champions League.