Del Piero: Ronaldo e teproi me hedhjen e shiritit!

Alessandro Del Piero kritikon sjelljen e Cristiano Ronaldos në përfundim të ndeshjes Serbi-Portugali 2-2. Ylli portugez pas vërshëllimës së trefishtë të kryesorit holandez, në momentin që po dilte nga fusha, hodhi në tokë shiritin e kapitenit.

“Ky është një reagim i tepërt për dikë që është kapiten i ekipit dhe përfaqëson një figurë ikonike si ai. Hedhja e shiritit ishte e tepërt. Gjithashtu e kuptoj momentin, rëndësinë e ndeshjes dhe ambicien personale që ai vendos në gjithçka që ai bën”, deklaroi Del Piero.

Në fakt, episodi i ndeshjes së zhvilluar në “Marakana” të Beogradit ka qenë temë kryesore e ditëve e fundit. Gjyqtari Danny Makkelie, në një prononcim për portugezen “A Bola”, pranoi gabimin dhe rrëfeu si ka kërkuar ndjesë trajnerit Santos dhe ekipit portugez për atë që ndodhi.

"It's too much for somebody that represents as a captain, and represents an iconic figure like him."@delpieroale believes Ronaldo's antics after the disallowed goal vs. Serbia was an overreaction. pic.twitter.com/mEphlaFsB6

— ESPN FC (@ESPNFC) March 29, 2021