Dinamo pëson një humbje shokuese në Lezhë, Elbasani merr pikën e parë

Janë luajtur 3 ndeshjet e Kategorisë së Parë, të vlefshme për javën e 16-të. Dinamo mposhtet dhe kreun e mban vetën tashmë Burreli në Grupin A, ndërsa Elbasani mori pikën e parë në këtë sezon.

Ka qenë një dramë e vërtetë ndeshja mes Besëlidhjes dhe Dinamos, aty ku u shënuan plot 7 gola, 4-3. Dinamovitët kaluan të parët në avantazh me Da Silvan në minutën e 8-të, por lezhjanët barazuan shifrat 1 minutë para përfundimit të pjesës së parë.

Boxhi dhe Jiva shënuan 2 gola për skuadrën e Ukut në pjesën e dytë, në minutat 63-të dhe 71-të, duke bërë që të gjithë të mendonin se do ishte një fitore e lehtë për kryeqytetasit, por nuk ndodhi kështu.

Lezhjanët përmbysën rezultatin, falë golave të Hoxhës dhe Përgjonit në minutat 74’ dhe 78’, ndërsa Danaj i dha fitoren ekipit të Bardhit me një gol në minutën e 93’. Dinamo humb kështu mundësinë për kreun e renditjes, që tashmë mbahet nga Burreli.

Në përballjen tjetër të grupit A, Vora mposhti minimalisht Veleçikun. Në grupin B, Elbasani ka marrë pikën e parë për këtë sezon, teksa ka regjistruar një barazim pa gola në derbin ndaj Turbinës.