Duka feston ditëlindjen mes drejtuesve të futbollit europian, Ceferin i dhuron një top

Një darkë festive mes miqsh u kthye në një moment simbolik për Armand Dukën, i cili festoi ditëlindjen i rrethuar nga figura të rëndësishme të futbollit europian.

Presidenti i Federatës Shqiptare të Futbollit dhe zëvendëspresidenti i UEFA-s, Armand Duka, ka festuar ditëlindjen në një atmosferë të veçantë, ku të pranishëm ishin drejtues dhe figura të njohura të qeverisjes së futbollit kontinental.

Momenti më i veçantë i mbrëmjes ishte gjesti i presidentit të UEFA-s, Aleksander Ceferin. Në një video nga festa, kreu i UEFA-s shihet teksa ngrihet personalisht për t’i dorëzuar Dukës një dhuratë simbolike: një top futbolli, që duket se mban edhe firmat e kolegëve të Komitetit Ekzekutiv.

Gjesti u prit me duartrokitje dhe urime nga të pranishmit, ndërsa në sallë dëgjohen thirrjet “Bravo Armand!”.

Duka, i emocionuar nga surpriza, e priti dhuratën duke vendosur dorën në zemër në shenjë falënderimi. Më pas, ai ngriti topin lart për t’ua treguar të pranishmëve, përpara se të shkëmbente një përqafim të ngrohtë me Čeferinin.

VIDEO