Duka uron Vllazninë: Vazhdoni kështu, jeni burim frymëzimi për të gjithë vajzat!

Presidenti i Federatës Shqiptare të Futbollit, Armand Duka, nëpërmjet një mesazhi në rrjetet sociale i ka bërë jehonë kualifikimit të Vllaznisë se femrave në raundit e dytë kualifikues të Championsit. Kreu i qeverisë së futbollit shqiptar i konsideron ekipin shkodran burim frymëzimi për të gjitha vajzat që duan të luajnë futboll.

Postimi i presidentit të FSHF-së

“Jashtëzakonisht i lumtur me fitoren e sotme të Vllaznisë në turin e parë kualifikues të UEFA Women’s Champions League ndaj kampiones së Turqisë, ALG Spor Kulubu! Ka qenë një ndeshje vërtetë emocionuese dhe e luftuar deri në fund.

Një arritje e shkëlqyer për vajzat kuqeblu, por edhe për futbollin e femrave. Le të shpresojmë që ky sukses të pasohet nga të tjera triumfe dhe Vllaznia të avancojë në fazën e grupeve të Champions League për femra.

Do të ishte një sukses i merituar për këtë ekip, por që njëkohësisht tregon se futbolli i femrave në Shqipëri është rritur në aspektin cilësor vitet e fundit.

Urimet më të mira për drejtuesit e klubit, stafin teknik dhe shpresoj që Vllaznia të vazhdojë të jetë një burim frymëzimi për të gjitha vajzat që duan të luajnë futboll! Jemi krenar për ju!”