Dusan Vlahovic drejt largimit nga Juventusi, ka “harruar” të shënojë

Dusan Vlahovic po përjeton një moment të vështirë te Jventusi. Sulmuesi nuk shënon në Serie A që nga dopieta kundër Salernitana-s më 7 shkurt, një rendiment që nuk shkon aspak në sinkron me pritshmëritë që ka stafi drejtues.

Jo vetëm me rendimentin, por Vlahovic po shfaq probleme edhe me mënyrën se si po sillet në fushë, nuk është shumë aktiv ndërsa i mungon agresiviteti. Këto detaje kanë bërë që e ardhmja e tij të vihet në dyshim, aq sa nuk konsiderohet më i pashitshëm.

Sipas mediave italiane, nëse në dyert e Juves vjen një oferte konkrete për Vlahovic, atëherë sulmuesi serb mund të largohet. Për momentin, gjithnjë sipas mediave, për Vlahovic janë të interesuar klube si Bayern Munich, Man. United dhe Tottenham.