Dybala merr lajme të mira në Barcelonë, por rikthimi në fushë ende i paqartë

As udhëtimi në Barcelonë nuk ka mjaftuar për të qartësuar datën e rikthimit në fushë të Paulo Dybala-s në fushë. 27-vjeçari udhëtoi drejt Barcelonës për të kryer një konsultë me profesor Cugat, një prej më të mirëve në profesionin e tij. Ky i fundit e ka qetësuar lojtarin, duke theksuar se gjuri nuk ka komplikacione.

Gjithsesi, akoma nuk dihet se kur do të rikthehet lojtari në dispozicion të Juventusit. Dybala do të vijojë me terapi, teksa problemet fizike të lojtari latin kanë frenuar bisedimet në lidhje me rinovimin e kontratës. Fillimisht u mendua që rikthimi pas dëmtimit do të ndodhte pas 20 ditësh, por deri më tani kanë kaluar mbi 40 dhe ai sërish nuk ka mundur të luajë.